Ny tanjonay dia ny hanatsara ny fahaizan'ny mpianatra miteny amin'ny fitenim-pirenena hafa

Ny vinavinanay dia ny hampianatra firesaka amin'ny teny vahiny maimaim-poana ho an'ny tanora ao Ambatofotsy Gara, izay atao ao amin'ny Mamelasoa High School. Satrinay raha hahay (Na tsy tonga lafatra ary) hiteny na farafaharatsiny mba ho zatra ny fiteny vahiny araka izay nofinidiny ny mpianatra mandrapahatapitry ny fiofanana.

Momba ny vina

Fiteny Anglisy

Ny andiany voalohany tato amin'ny English Club Mamelasoa dia nanomboka tamin'ny 29 Janoary 2023. Mbola mitohy hatramin'izao ny fianarana ka isaky ny Sabotsy amin'ny 8 ora maraina (Ora Madagasikara) ny fotoana ao amin'ny Mamelasoa High School. Ireto manaraka ireto no atao ao amin'ny English Club:

• fampizarana ny mpianatra amin'ny fiteny Anglisy, ka ireto avy no atao amin'izany: miresaka amin'ny fiteny Anglish, mihaino sy mamakafaka tantara, ary milalao. Amin'ny faran'ny taom-pianarana dia asaina mampiranty lohahevitra izay nosafidiany ny mpianatra tsirairay (15 minitra eo ho eo no faharetan'io).

• Mitsidika English Club hafa sy trano fitehirizam-boky.

• Manasa vahiny avy any amin'ny toeran-kafa hitsidika ny English Club Mamelasoa ary hifanerasera amin'ny mpianatra.

• Manasa vahiny avy amin'ny firenena miteny Anglish hitsidika ny English Club Mamelasoa.

• Zaraina araka ny fari-pahazoany ny fiteny Anglisy ny mpianatra ary arakarak'izay koa no hanamboarana ny programa izay heverina ho mety aminy.

Ekipa

Sitrakay tokoa ny mpianatra raha manana fahaiza-miteny vahiny ampy hampisokatra lalana ho azy ireo.

Tanjona

Ny olona mandrafitra ny ekipa amin'izao fotoana izao dia tena azo antoka, ireto avy izy ireo:

• Ramatoakely Ranaivomanana Salome, izay miasa amin'ny sehatry ny fanatsarana ny fambolena. Izy dia tena manana fo amin'ny fanampiana ny olona any amin'ny tontolo ambanivohitra hanatsarana ny fari-piainany. I Salome dia nahavita fianarana ny teny Anglisy tao amin'ny ETP (English Teaching Program).

• Ramatoakely Ranaivomanana Valimbavaka Hosana dia manana Doctorat en Mathematiques avy ao amin'ny Oniversiten'ny Stellenbosch, Afrika Atsimo. Fito taona izao no nipetrahany tany Afrika Atsimo ary manana "niveau" ampy amin'ny fiteny Anglisy izy.

Fiantombohany

Efa nanomboka tamin'ny 29 Janoary 2023 ny asa ary mitohy hatramin'izao. Ny fiteny Anglisy no nanombohana azy.

Dingana manaraka

Irinay ny hampiofana amin'ny fiteny Frantsay ihany koa.

Fanampiana ilaina

Ireto zavatra manaraka ireto no ilain'ny sekoly mba hahatomombana ny fampianarana ho araka ny tokony ho izy:

• Fitaovana: boky, tsaoka, spaonjy, radio(s), laptop(s)/solosaina, radio(s), tele, imprimante ary projecteur(s),

• Vola atao karaman'ny mpampianatra, entina manasa vahiny ary ho ampiasain'ny mpianatra entina mitsidika toerana/bibliotheques.

Hanohana

Raha resy lahatra amin'ny asa ataonay ianao ka liana ny hanohana izany asa izany dia afaka manao izany ato.

Ny fanohananao dia manova ny fiainan'ireo tsy afa-manoitra ary isaoranay indrindra ny fandraisanao anjara amin'izany.

Miss Salome

Dr. Hosana

English Club Mamelasoa Manatsara ny fahaizanao miteny